Mit äm Client-Mänätscher chömed Si diräkte Zuegriff uf di lokalä Dienscht, Prozäss, Benutzer, Freigabä und Iventlog über.
Dä CLM - Client Mänätscher - vo NetKey isch e praktischi Lösig für dä IT-Support. Mit dem Modul händ Si diräkt Zuegriff uf
- lokali Dienscht
- Prozäss
- lokali Benutzer
- lokali Freigabä
- lokali Iventlogs
Eso chönd Si IT-Problem schnäll identifizierä und behebä oni dass Si vor Ort verbii müend gaa.
Dä Client-Mänätscher isch eifach zum Bedienä und zeiget Inä alli wichtigä Informazionä zumenä Kompiuter i einerä Oberflächi aa. Si chönd ganz eifach uf Dienscht zuegriffä und diä Dienscht per Rächtsklick beände oder noi schtartä. Au laufendi Prozäss chönd Si per Rächtsklick aahaltä.
Zuesätzlich liferät de Client-Mänätscher Inä alli wichtigä Informazionä zu de lokalä Benutzer und Freigabä vom beträffende Kompiuter. Si gsend sogar verschteckti Freigabä. Eso händ Si immer en guetä Überblick über alli Netzwärch-Freigabä.
Öppis wiiters gäbigs isch d'Möglichkeit vom Client-Mänätscher direkt is Ivänt-Log inezluegä. So chönd Si ufs Aawändigs-Log, Syschtem-Log und au ufs Sicherheits-Log zuegriffä und dä Grund vom möglichä Problem schnäll erkänne.
Dank dä schnälle Live-Verbindig zum Client-Mänätscher chönd Si jederziit uf alli Informazionä zuegriffä wo Si bruchäd zum IT-Problem schnäll und würkigsvoll z'lösä. Zuesätzlich chönd Si alli Informazionä eifach und übersichtlich in Reports uusdruckä und archivierä.
Insgesamt isch de CLM - Client-Mänätscher - vo NetKey es wertvolls Werchzüg für d'IT-Verwaltig. Es schpart Inä vill Ziit und Uufwand und hilft Inä d'IT-Infraschtruktur würkigsvoll und zueverlässig z'verwaltä.
