Hüfig gschtellti Fragä zu Softwäre-Verteilig

NetKey unterschtützt d'MSI-Technologie, Install-Shield-Format und divärsi wiiteri Inschtallazions-Format, sowiä au ä eiges sehr effiziänts Script-Format.

Somit chönd Si mit dä NetKey Softwäre-Verteilig fascht jedi gängigi Softwäre automatisiärt inschtallierä.

Äs speziells Scriptufzeichnigs Werchzüg wird mit äm Modul Softwäre Verteilig mit gliferät.

Im Modul Softwäre-Verteilig isch scho än vordefiniertä Pätsch-Verteiljob mit integriärt. Eso chönd Si sehr bekwäm diä aktuellschtä Sicherheits-Pätschis uf dä Kompiuter rimote inschtallierä laa, ohni dass Si no sälber müänd en Tschopp go erschtellä.

Mit dä NetKey Softwäre-Verteilig chönd Si au a bereiz inschtalliertä Softwäre Konfigurazions-Änderigä ziitlich gschüürät durefüäre laa.

NetKey erkännt bim abschickä vomänä Softwäre-Verteil-Tschopp öb dä Kompiuter lauft oder nöd. Uusgschalteti Grät werdät automatisch über äs Wecksignal uufgschtartät. Aaschlüssänd wird dänn d'Softwäre inschtalliärt. Alli diä Kompiuter wo über äs Wecksignal iigschaltä wordä sind werdät nach dä Inschtallazion automatisch obenabä gfahrä. Diä Kompiuter wo vor äm Softwäre-Verteil-Tschopp scho gloffä sind werdät nach dä Softwäre-Verteilig wiiterhin laufä glaa.

Mit dä NetKey Softwäre-Verteilig chönd Si einzelni Softwäre-Paket zunärä Softwäre-Paket Gruppä zämefassä. Eso chönd Si bekwäm mit mit einerä Akzion divärsi Kompiuter mit mehrärä Softwäre-Paket inschtallierä laa. Si chönd ä beliäbigi Aazahl Paket-Gruppä erschtellä.

Mit dä NetKey Softwäre-Verteilig chönd Si au Softwäre automatisch deinschtallierä. Uf weläm Wäg diä Softwäre urschprünglich uf äm Kompiuter inschtalliärt wordä isch, schpillt däbii kei Rollä.

NetKey erkännt bim abschickä vomänä Softwäre Verteil-Tschopp öb äs Grät lauft oder nöd. Uusgschaltäti Grät werdät automatisch über äs Wecksignal iigschaltät. Will aber äs Grät wo sich nöd im Unternämes-Netzwärch befindät ufs Wecksignal nöd reagierä chan merkt sich das s'NetKey und nimmt dä Tschopp für das Grät automatisch uf ä Wartelischtä. Sobald das Grät s'nächschti mal im Netzwärch isch, wird d'Softwäre automatisch inschtalliärt.

NetKey unterscheidät bi dä Software-Verteilig zwüschäd zwingendä und nöd zwingendä Softwäre-Verteilig Tschopps. Zwingendi Softwäre-Verteiligs-Tschopps chönd dur dä Benutzer nöd verzögerät werdä. Diä Tschopps wärdet uf dä planeti Ziitpunkt hi duregfüärt.

Bi nöd zwingendä Tschopps hingäge tüemer am Benutzer äs Dialogfäld aazeigä, woner dä gwünschti Inschtallazions-Ziitpunkt sälber chan aagä (Bis zumänä beschtimmtä Ablauf-Datum). Eso hät dä Benutzer ä gwüssi Freiheit und cha dä für In optimali Ziitpunkt imänä gwüssä Rahmä sälber beschtimmä.

I dä Softwäre Verteilig vo NetKey chönd Sie für Softwäre wo bi dä Inschtallazion mehräri Reboots bruchät schpezielli Iischtelligä vornää.