Alli Fragä und Antwortä zu oiserä USB-Überwachig im NetKey.
Hüfig gschtellti Fragä zu USB-Divaissis
Im Basis-Modul vo NetKey sind Funkzionä vorhandä wo Si chönd USB-Devaissis aktivierä und au deaktivierä.
USB-Memory-Sticks, USB-Harddisks und anderi Schpichermediä chönd Si bequem mit ämänä Rächtsklick aktivierä oder deaktivierä.
Si chönd sälber feschtlegä weli Active-Directory-Benutzer weli USB-Grät chönd bruchä und weli nöd.
Damit Si diä maximali Flexibilität chönd nutzä, bliibt dä USB-Bus grundsätzlich emal offä. Sobald dä Benutzer äs USB-Grät iischteckt, überprüäft dä NetKey USB-Wächter das USB-Grät und au d'Berächtigungen vom Benutzer. So wird je nach Berächtigungä vom Benutzer und äm iigschtecktä USB-Grät das USB-Grät sofort gschperrt.
Grundsätzlich chönt mär au dä ganzi USB-Bus schperrä. Dänn würät aber au USB-Müüs, USB-Taschtaturä und wiiteri Grät numä tuä. Schtandardmässig wärdet drum im NetKey diä sogenannte HID (Human Input Devices) vo dä Schperrig uusgnoo.
Es chönd fascht alli Artä vo USB-Grät wiä USB-Memory-Sticks, USB-Disks, Fotiappärät, MP3-Player usw. gschperrt werdä.
Näbscht USB-Devaissis chönd au CD-ROM, Flashdisks, Bluetooth-Grät und Infrarot-Schnittschtellä gschperrt werdä.
Wänn en Benutzer amänä Kompiuter schaffet, wo dä USB-Bus gschperrt isch, dänn chaner grundsätzlich kei USB-Grät bruchä. Sött er aber trotzdem äs USB-Grät bruchä, dänn chamer über d'NetKey Konsolä bekwäm dä USB-Wächter temporär uuschaltä.