Mit em OSI chönd Si diä gängigä Windows Betriibssyschtem skriptgschtürät und Hardwäre unabhängig inschtallierä laa.
S'OSI-Modul - Operating Syschtem Inschtaller - isch es unverzichtbars Werchzüg für es effiziänts Client-Mänätschment. Das Modul unterschtützt UEFI und chan e Hardware unabhängigi und skriptgschtüräti Inschtallazion vom Windows durefüerä. Debii werdät automatisch alli Iischtelligä vo Abteiligä und Benutzer berücksichtigät zum de Inschtallazionsprozäss z'vereifachä.
Zudem erkännt OSI d'Hardwäre uf Chipset-Level und inschtalliert automatisch diä richtigä Triiber. Au Parameter wiä Kompiuter-Namä, IP-Adressä, Subnetz-Maskä und wiiteri Eigeschaftä werdät vo Aafang a richtig iigschtellt zum en iiwandfreiä Betrieb z'gwährleischtä.
Nach de Betriebssyschtem-Inschtallazion chönd Si mit em Modul SWD Software-Delivery diversi Softwäre-Paket inschtallierä laa, zum en Kompiuter suber parat z'schtellä.
