Mit oisäm Softwäre-Inväntar chömed Si schnäll en Iiblick über alli zur Ziit inschtalliertä Aawändigä über.
Im Modul SWI Softwäre-Inväntar chömed Si än kompletä Überblick über alli im Unternäme inschtalliertä Awändigä über. Si erkänned so vo jedärä Awändig d'Homogenität oder au d'Vilfalt und d'Versionsunterschied. Bi unerwünschtä Awändigä oder sicherheitstechnisch kritischä Awändigä gsend Si sofort uf welnä Grät sich diä Inschtallazionä befindät.
Praxisbischbiil Unerwünschti Softwäre
Sie wettät in Iräm Unternäme erkäne uf welnä PCs unerwünschti oder sicherheitstechnisch kritischi Software inschtalliert isch.
Machäd Si über äm Icon SWI än Rächtsklick und schtartät d'Softwäre Inväntar Übersicht. Jetzt gsend Si ä Lischtä mit allnä Software und Versionsagabä wo mindeschtens eimal inschtalliärt isch. Mit dä Filterfunkzion chönd Si d'Übersicht ganz eifach iigränze. Sobald Si dä unerwünschti Softwäre-Itrag gsend, machäd Si än Doppelklick druf und scho händ Si ä Lischtä mit allnä Grät wo diä unerwünschti Softwäre inschtalliärt isch.
Si erkäned sehr schnäll d'Sicherheitsrisikä und unerwünschti Softwäre i Iräm Unternäme und chönd aschlüssänd diä Softwäre mit emänä Software-Verteiljob automatisch deinschtallierä laa.
