Wiä chönd Si imenä heterogenä Netzwärch sehr schnäll diä Funkzion "Wake on LAN" uf allnä Grät im Netzwärch bruchä.
Praxisbischbiil Wake On LAN
Si wettät gern d'Funkzion Wake on LAN nutzä und schtelläd fescht, dass sich leider nur es paar Grät mit WOL weckä lönd. Will sich einigi Grät weckä lönd und anderi nöd, dütät das druf hi, dass s'WOL Signal bi Inä im Netzwärch grundsätzlich funkzioniärt, aber bi einigä Clients nöd.
Si überprüäfed uf einzelnä Clients im BIOS d'Iischtelligä und schtelläd fescht, dass WOL nöd aktiviert isch. Will das bi villnä Grät eso iigschtellt isch, entschlüssäd Si sich mit em Modul NetKey SWD (Softwäre-Verteilig) äs Softwäre-Paket z'erschtellä, wo im BIOS inä d'Wake on LAN Iischtelligä aktivierä tuät.
Nach änärä wiiterä überprüefig händ Si gmärkt, dass diä Akzion scho vill bracht hätt, aber leider nunig bi allnä Grät. Drum erschtelläd Si mit äm NetKey Modul SWD (Softwäre-Verteilig) es wiiters Softwäre-Paket wo dä Netzwärch Chartätriibär aktualisierä tuät und gliichzitig au no d'Ischtelligä uf äm Netzwärch Adapter richtig setzt.
PS: Falls Si no meh technischi Infos rund um Wake on LAN bruchät, dänn erfahräd Si das uf dä Homepage www.wake-on-lan.ch
Si chönd jetzt automatisch amenä beliebigä Tages- oder Nachtziitpunkt alli Grät dur NetKey iischaltä laa und eso zum Bischbiil Softwäre Aktualisierigä duräfüerä. Eso schtöräd Si d'Awänder nöd bim schaffä und es schpillt au kei Rollä öb dä Softwäre-Aktualisierigs-Tschopp mehräri Minutä Zit brucht.
